សួស្ដីអ្នកទាំងអស់គ្នា!
យើងបានជួបគ្នានៅទីនេះប្រហែលជា និស្ស័យដែលបានផ្ដល់ដោយ ជូម្ល៉ា (Joomla) ដូចជាពាក្យ Jumla ដែលចេញមកពីភាសាស្វាហ៊ីលី (Swahili) ដែលមានន័យថា "ទាំងអស់គ្នា" ឬ " រួមគ្នា" ។
ទស្សនាវដ្ដីសហគមន៍ជូម្ល៉ា បានផ្ដល់ឱកាសដល់បណ្ដាអ្នក ប្រើប្រាស់ជូម្ល៉ានៅកម្ពុជាមានលទ្ធភាពក្នុងការក្លាយជាអ្នកនិពន្ធ សម្រាប់ទស្សនាវដ្ដីសហគមន៍ជូម្ល៉ាផ្នែកភាសាខ្មែរ ។ នេះជាឆាកមួយដែលលោកអ្នកអាចចែករំលែកអត្ថបទដែលសរសេរដោយអ្នក ផ្ទាល់ ឬអត្ថបទបកប្រែពីអ្នកនិពន្ធផ្សេងៗក្នុងសហគមន៍ជាភាសាខ្មែរ ។
ក្នុង នាមជាអ្នកប្រើប្រាស់ជូម្ល៉ានៅកម្ពុជា ក៏ដូចជាប្រជាពលរដ្ឋខ្មែរម្នាក់ សូមយើងទាំងអស់រួមគ្នាជួយលើកស្ទួយ និងជំរុញឲ្យមានការប្រើប្រាស់ភាសាខ្មែរក្នុងវិស័យព័ត៌មានវិទ្យា ឲ្យបានកាន់តែទូលាយមួយកម្រិតថែមទៀត ។
យើងពុំទាន់មានដំណើរការ ដាក់អត្ថបទពេញលេញនៅឡើយ ។ Komrade បានទទួលកិច្ចការក្នុងការអភិវឌ្ឍន៍ធុងដាក់ស្នើអត្ថបទពហុភាសាដែល នឹងត្រូវបញ្ចប់ក្នុងពេលដ៏ខ្លីខាងមុខ ។
- ក្លាយជាអ្នកនិព្ធ-ជំហានជាបណ្ដោះអាសន្ន៖
- ដាក់ស្នើចំណងជើងអត្ថបទនៅឯ International Stories >> Submit non-English articles
មានអាសយដ្ឋាន៖ http://magazine.joomla.org/topics/item/116-international_splash_page
ឧទាហរណ៍៖
Your name ឈ្មោះពេញ ៖ សែន រតនៈ
Your email address អាសយដ្ឋានអ៊ីមែលអ្នក ៖ This e-mail address is being protected from spambots. You need JavaScript enabled to view it
Your language ភាសាអ្នក៖ Khmer (Cambodia)
Your article subject or question ៖ ជីវិតខ្ញុំ និង ជូម្ល៉ា!
រួចចុច Submit
ពេលនោះ យើងខ្ញុំនឹងទាក់ទងលោកអ្នកតាមអាសយដ្ឋានដែលលោកបានបំពេញខាងលើ
- បន្ទាប់មកសូមចុះឈ្មោះដើម្បីក្លាយជាអ្នកនិពន្ធ៖
សូមអាន http://magazine.joomla.org/join-joomla-magazine
- បើអ្នកពុំទាន់មានគណនីជាអ្នកនិពន្ធទេ សូមចុះឈ្មោះ
http://magazine.joomla.org/about/Join-the-Joomla-Magazine
- បើមានគណនីរួចហើយសូមកត់ត្រាចូល
http://magazine.joomla.org/authorlogin
ដើម្បី បន្ទាន់សម័យប្រវត្តិសង្ខេបអ្នក បន្ថែម កែសម្រួលបណ្ដាអត្ថបទដែលពុំទាន់បានបោះពុម្ពផ្សាយរបស់អ្នក ក៏ដូចជាអានបណ្ដាមតិយោបល់ផ្សេងៗអំពីអត្ថបទរបស់អ្នក ។
សំគាល់៖
អ្នកពុំមានសិទ្ធិក្នុងការបោះពុម្ពផ្សាយអត្ថបទឡើយ ពីព្រោះអន្តរការីផ្នែកភាសាខ្មែរត្រូវពិនិត្យជាមុនសិន ទើបផ្តល់សិទ្ធិបោះពុម្ពផ្សាយ ។
អត្ថបទនឹងចេញផ្សាយជាផ្លូវការនាថ្ងៃទី ១ ខែសីហា ឆ្នាំ ២០១០ ។ បើយើងពុំបានដាក់ស្នើអត្ថបទណាទេ នោះគេនឹងបិទផ្នែកភាសាខ្មែរវិញ ។
ជូនពរអ្នករីករាយក្នុងភាពជាអ្នកនិពន្ធ!
Last Updated on Wednesday, 01 September 2010 11:16
